“Hindi kita bati.” Sa totoo lang name-miss ko na ang mga salitang ito na ginagamit natin noong mga bata pa tayo, noong hindi pa tayo marunong magtanim ng galit sa nakasakit sa atin. Hindi pa rin kasi tayo marunong noon manggamit ng kapwa at alam natin ang ibig sabihin ng ‘loyalty’ at ‘pakikipagkaibigan’ na hubad sa anumang interpretasyon maliban sa ganito: na hindi kita magiging kaibigan kung sinalbahe mo ako at ang aking mga kaibigan, hindi kita bati.
Hindi ako naniniwala na magiging kaibigan mo ang taong nanalbahe sa iyong kaibigan. Kahit sabihin mo pang ‘mapakikinabangan ko ang taong ito at wala akong kinalaman sa nangyari sa kanila (ng kaibigan ko)’. Dalawang mga salita: ‘pakinabang’ at ‘nangyari’ (sa kanila ng kaibigan ko). Ang taong kayang makipagkaibigan sa taong nanalbahe sa kanyang kaibigan, ang totoo, ay wala talagang kaibigan kundi ang kanyang mapakikinabangan at ang mga nangyayari na may kinalaman lamang (muli) sa pakinabang para sa kanila.
Sabi ni Aristotle, “A friend to all is a friend to none.” Wala talagang kaibigan ang taong palaging nasa pagitan, iyong tao na ang tanging kaibigan ay ang kanyang pangangailangan at pakinabang. Si A friend to all, siya yung ‘bati ko ang lahat’ sa lahat ng okasyon, sa lahat ng pagkakataon. At magtataka ka, siya ‘yung taong walang kaaway dahil wala rin naman siyang naging kaibigan. Manggagamit siya nang manggagamit ng kapwa hanggang sa dumating na wala na siyang magamit at mauuwi siya na gamitin na lamang ang kanyang sarili para sa pakinabang, para sa pangangailangan. Walang dignidad at respeto maging sa sarili dahil wala namang naging kaibigan.
Ikaw, sino ang bati mo?
Hindi ako naniniwala na magiging kaibigan mo ang taong nanalbahe sa iyong kaibigan. Kahit sabihin mo pang ‘mapakikinabangan ko ang taong ito at wala akong kinalaman sa nangyari sa kanila (ng kaibigan ko)’. Dalawang mga salita: ‘pakinabang’ at ‘nangyari’ (sa kanila ng kaibigan ko). Ang taong kayang makipagkaibigan sa taong nanalbahe sa kanyang kaibigan, ang totoo, ay wala talagang kaibigan kundi ang kanyang mapakikinabangan at ang mga nangyayari na may kinalaman lamang (muli) sa pakinabang para sa kanila.
Sabi ni Aristotle, “A friend to all is a friend to none.” Wala talagang kaibigan ang taong palaging nasa pagitan, iyong tao na ang tanging kaibigan ay ang kanyang pangangailangan at pakinabang. Si A friend to all, siya yung ‘bati ko ang lahat’ sa lahat ng okasyon, sa lahat ng pagkakataon. At magtataka ka, siya ‘yung taong walang kaaway dahil wala rin naman siyang naging kaibigan. Manggagamit siya nang manggagamit ng kapwa hanggang sa dumating na wala na siyang magamit at mauuwi siya na gamitin na lamang ang kanyang sarili para sa pakinabang, para sa pangangailangan. Walang dignidad at respeto maging sa sarili dahil wala namang naging kaibigan.
Ikaw, sino ang bati mo?
